Trades Committee

The primary organization of the Belarusian Trade Union of Workers Education
and Science at the Institute of History of the National Academy of Sciences of Belarus

ChairpersonDUBIZKAYA Natalia

Deputy Chairman, responsible for cultural work: MAZETS Valentin

Treasurer: GURBO Tatiana

Secretary of the trade: KOSTYUKEVICH Anastasia

Responsible for housing and household matters: KRIVICHINA Ekaterina

Responsible for sports work: HANCHARENKA Kiryl

Responsible for the accounting of personnel and work with children: TKACHOVA Maria
_____________________________________________________________________________________

Як Скарына ў спорце дапамог

Аўтар артыкула: Кацярына Ганчарэнка [Газета “НАВУКА” ад 11 верасня 2017 г.]
Зборная каманда Аддзялення гуманітарных навук і мастацтваў вярнулася з узнагародамі з Летняй спартакіяды-2017, якая прайшла 25-27 жніўня на базе дзіцячага летніка “Фатон” сярод калектываў арганізацый НАН Беларусі.

Па “бронзе” было здабыта ў творчым конкурсе “Візітная картка” і эстафеце са спартыўнымі снарадамі. Сімвалічна, што заваяваць сімпатыі журы і гледачоў на “візітоўцы” дапамог гумарыстычны нумар, дзе Францыск Скарына быў прадстаўлены як “спартсмен, гуманіст і проста прыгажун”.

Конкурс “Візітная картка” з’явіўся на спартакіядзе ў мінулым годзе, а ў гэтым быў уключаны ў выніковую табліцу спаборніцтваў. Ідэя для выступлення, якое павінна было адпавядаць тэматыцы Года Навукі, прыйшла да аўтара сцэнарыя, Кацярыны Ганчарэнкі, лёгка. У гэтым годзе адзначаецца 500-годдзе першай друкаванай кнігі Францыска Скарыны, а, значыць, нумар трэба прысвяціць яму. Тым больш, што ў камандзе ёсць філолаг (Кацярына Ганчарэнка, Інстытут мовазнаўства імя Якуба Коласа), “гуманісты” (Алена Трубчык, Аляксандр Бажко і Кірыл Ганчарэнка, Інстытут гісторыі, Ігар Харытонаў, Інсытут сацыялогіі) і “купцы” (Ала Канавалава, Аляксандр Цэдрык, Інстытут эканомікі). Але пры чым тут спорт? Паразважайце: Скарына – актыўны турыст, кожны дзень цісне шматкілаграмовыя кнігі (качок!), як доктар займаецца здароўем, у кнігах піша не толькі пра арыфметыку і логіку, але і пра “справы багатырскія”. І ўвогуле Скарына першы. Нават у тым, што зрабіў першае ў свеце сэлфі. Фотаздымак, дастаны “лёгкім рухам рукі” выканаўцам галоўнай ролі Аляксандрам Бажко і яго прывітальнае слова на “старажытнай” мове з пажаданем “здорового духа” канчаткова пакарылі аўдыторыю.

І вось – 3-е месца і дадатковая намінацыя “За лепшую прафсаюзную матывацыю”.
У наступны дзень спартакіяды праводзіліся спаборніцтвы па групавых скачках праз скакалку, скачках у даўжыню, эстафеце са спартыўнымі снарадамі, т.зв. “летніх лыжах” і баях на надзіманым батуце (для мужчын і жанчын), дзе ўдача была на баку “дужых, але лёгкіх”. Каманда гуманітарыяў па гэтых этапах рухалася з пераменным поспехам, але зладжанасць і акуратнасць дапамаглі трапіць у тройку прызёраў на эстафеце.
Вынік – два дыпломы за 3-е месца, дыплом з намінацыяй і агульны 15-радок сярод 28 каманд па суме балаў за ўсе віды спаборніцтваў.
Зазначым, што спартакіяда з’яўляецца рэгулярным мерапрыемствам Аб’яднанай галіновай прафсаюзнай арганізацыі работнікаў НАН Беларусі і праводзіцца двойчы на год: летам і зімой. Так што наперадзе зімовая спартакіяда!